កីឡា

ចាប់ពី​ឆ្នាំ២០២០​ ​ទៅ​ ​CNCC​ ​និង​ ​FFC​ ​នឹង​រៀបចំ​អាជ្ញាប័ណ្ណ​ក្លឹប​

​លោក​ ​ឆាំង​ ​ពិសិដ្ឋ​ ​លេខា​ប្រតិបត្តិ​នៃ​ ​គណៈកម្មការ​ប្រកួត​បាល់ទាត់​ជាតិ​កម្ពុជា​ ​បាន​លើកឡើង​ក្នុង​សន្និសីទ​កាសែត​បើក​រដូវ​កាល​ថ្មី​លី​គ​កំពូល​កម្ពុជា​ ​និង​ ​Hun​ ​Sen​ ​Cup​ ​កាលពី​ព្រឹកមិញ​នេះ​ថា​ ​ចាប់ពី​ឆ្នាំ២០២០​ ​ទៅ​ ​CNCC​ ​និង​ ​FFC​ ​នឹង​រៀបចំ​អាជ្ញាប័ណ្ណ​ក្លឹប​។​

​អតីត​អ្នក​ចាត់​ក្រុមជម្រើសជាតិ​កម្ពុជា​រូប​នេះ​បាន​ឲ្យដឹង​ថា​ ​ចាប់ពី​ឆ្នាំ២០២០​ ​ទៅ​ ​CNCC​ ​និង​ ​FFC​ ​ដែល​ជា​ឪពុកម្ដាយ​របស់​ក្លឹប​ដែល​ចូលរួម​លេង​លី​គ​កំពូល​កម្ពុជា​ ​នឹង​រៀបចំ​អាជ្ញាប័ណ្ណ​ក្លឹប​ថ្នាក់​ជាតិ​ដាក់​ជូន​ឲ្យ​ក្លឹប​ដែល​ចូលរួម​លេង​លី​គ​កម្ពុជា​អនុវត្តិ​។​ ​អាជ្ញាប័ណ្ណ​នេះ​គឺ​សំដៅលើ​លក្ខខ័ណ្ឌ​ ​ដែល​ក្លឹប​អាច​មាន​សិទ្ធ​ចូលលេង​លី​គ​កំពូល​កម្ពុជា​ ​ថា​តើ​ពួកគេ​ត្រូវ​មាន​លក្ខណៈ​សម្បត្តិ​អ្វីខ្លះ​ ​(​ឧទាហរណ៍​ដូចជា​ទីលាន​ផ្ទាល់ខ្លួន​)​ ​។​

​លោក​បញ្ជាក់​ថា​ ​ចំពោះ​ក្លឹប​ដែល​មិនទាន់​មាន​ទីលាន​ផ្ទាល់ខ្លួន​ ​ត្រូវ​ជួល​ទីលាន​ ​ដើម្បី​ហ្វឹកហាត់​ផ្ទាល់ខ្លួន​ ​និង​ធ្វើជា​ម្ចាស់ផ្ទះ​ខ្លួនឯង​ជាដើម​។​ ​ការប្រកួត​លី​គ​កំពូល​កម្ពុជា​រដូវ​កាល​ថ្មី​ ​នឹង​ចាប់ផ្ដើម​ដំណើរ​ចាប់ពី​ថ្ងៃទី១៦​ ​ខែមីនា​ ​ឆ្នាំ២០១៩​ ​តទៅ​ ​ដែល​មាន​ក្លឹប​ចំនួន​ ​១៤​ ​ចូលរួម​៕